Fiangonana Kristiana Malagasy eto Soisa sy ny Manodidina
Tantaran'ny F.K.M.S.M.
ARINTSOA Zafindriaka, Novambra 1996
Raha niangaviana
hamintina ny tantara mikasika ity fiangonana ity aho, dia sendra ireo olana izay mpahazo
ny mpanao tantara rehetra: ny fitaovana. Vitsy dia vitsy tokoa mantsy ireo antontan-taratasy
rakitry ny fiangonana, ary efa saika tsy misy eto an-toerana intsony ireo rehetra izay
tany ampanorenana ity fiangonana ity. Anisan'ny vavolombelona moa ny tenako ka rehefa avy
namaky ireo antontataratasy misy, dia indro atolotro anareo ny tantara fohy mampahalala
ny FKMSM.
Marihiko fa
misy ireo olona izay mahalala tsara kokoa noho izaho ny tena fizotran'ny tantara. Izy
ireny no tokony ho nanoratra ity, anefa nohon'ny zava-misy dia voatery izaho ny nandray ny
toerany. Ireny olona ireny indrindra no andefasako voalohany ny fialan-tsiniko. Dia
misaotra anareo mialoha tompoko, ary dia mirary anareo hahita valinteny amin'izay
fanontaniana mety manitikitika.
Fivoriana an-tokantrano
Efa ela no nanirian'ny malagasy taty Soisa ny hiaraha-mivory mba ahazahoany midera
an'Andriamanitra amin'izay fomba efa mahazatra azy, amin'ny vavaka sy hira amin'ny teny
malagasy. Tamin'ny taona 1985 raha nifindra nonina aty Geneva ny mpanompon'Andriamanitra
iray noho ny adidy vaovao izay niandraiketany, dia tsy nisalasala ry zareo
Ny fihaonana voalohany
Faramparan'ny volana Novambra 1985 no fotoam-pivavahana voalohany tao amin'ny fiangonana
Servette, Geneva. Teny fampaherezana no nentin'ny Pastora Noël RABEMANANTSOA nanokatra ny
fotoana. "Tsy irery an-tanin'olona isika, hoy izy, "satria raha mino
marina isika tsirairay, fa Andriamanitra no mitantana ny fiainantsika, Izy izay efa
naniraka antsika hiampita ranomasina, dia mbola momba antsika mandrakariva amin'ny
fanantotosana izay andraikitra napetrany eo am-pelatanantsika. Marina fa nohon'ny
fahalavirana dia mety misy ny fotoam-pahakiviana. Anefa, na eo na tsia ny havana dia misy
ihany ireny fotoan-tsarotra ireny. Satria tsy ny havana, tsy ny namana, tsy ny
tanindrazana no herintsika fa Andriamanitra". Tao aorian'izany fanompoam-pivavahana
izany dia tapa-kevitra ny rehetra fa hiaramankalaza ny Noely ny Malagasy.
Ny Noely voalohany
Ny alahady 19 Desambra 1985, tao Servette no nankalazaina ny Krismasy voalohany
niarahan'ny Malagasy teto Soisa sy ireo havana avy ao Frantsa manodidina. Samy niaiky fa
nandray fampaherezana tamin'izany fotoana izany ny tsirairay, na ny kristiana, na ireo
namana izay tonga nanotrona. Nifanaraka ny rehetra fa hotohizana ny fotoana toy itony, ka
aorian'ny fiaraha-mivavaka dia hasiana fotoana fialana hetaheta ahazahoana mifankahalala
bebe kokoa sy mifampizara vaovao.
Tapaka tamin'izany fa hifandimbiasana ny fanomanana izany fotoana izany, ka isaky ny alahady voalohan'ny volana no hanatanterahana azy, ary ny tolakandro, mba tsy hifanindrian'ny fotoana amin'izay andraikitra efa raisin'ny tsirairay amin'ny fiangonany avy isan'alahady.
Ny fiangonana
Fony niforona io fiangonana io, dia tsy nanana anarana afà-tsy ny hoe Fiangonana
malagasy. Vetivety foana dia natohy teo ny anaran-tany mba hanamarihana ny toerana misy
izany: Fiangonana malagasy aty Soisa. Tsy feno anefa io anarana io, satria raha marina fa
aty Soisa no toeram-pivoriana dia maro koa ireo, namana avy etsy Frantsa manodidina, araky
ny toerana manokana misy an'i Geneva. lreo olona miara-mivavaka ireo dia samy manana ary
mitazona ny antokom-pinoana misy azy avy.
Ny Fiangonana
Kristiana Malagasy aty Soisa.sy ny Manodidina ary dia fiangonana iraisam-pinoana. Izy dia
manokatra ny varavarany ho an'izay rehetra mino an'i Jesoa Kristy. Manaja ny finoan'ny
tsirairay sy izay fomba anehoany izany ny FKMSM; na ny tonon-kira, na ny tonom-bavaka ary
na ny fombafomba samihafa amin'ny fizotry ny fanompoam-pivavahana aza. Mandritra ny
fiaraha-mivavaka, raha misy heverin'ny tsirairay fa mifanohitra amin'ny finoany dia
malalaka tanteraka izy amin'ny fanatanterahana na tsia izany zavatra izany.
Ireo toeram-pivoriana
Ny Pastora Marcel HENRIET no nanasa ny FKMSM hanantanteraka ny fotoam-pivavahana ao
amin'ny fiangonana ao Accacias, Geneva, izay nentiny nanomboka tamin'ny martsa 1986. Tsy
nifindra tao raha tsy tamin'ny fotoana manokana toy ny Noely izay ilana efitrano
malaladalaka kokoa (Servette, la Roseraie, Foyer St-Justin). Hatramin'ny volana Aprily
1993, rehefa nisotro ronono io ray aman-dreny io, ary satria nakaton'ny tompon'andraikitra
ilay toeram-pivoriana, dia tao Servette indray no anatanterahina ny fotoana rehefa any
Geneva mandrak'ankehitriny. Torak'izany ihany koa ny momba ny any Lôzana, nanomboka tany
Malley ny Febroary 1986 ny fiangonana, voatery nifindra tany amin'ny Croix d'Ouchy
nandritra ny taona 1995, ary ankehitriny dia any Ecublens. Ny fotoana manokana koa dia
voatery notanterahina tamin'ny toerana samihafa: St Matthieu, Cully, sns. Marihina fa tsy
mbola nivory tany Frantsa "rnanodidina" ny FKMSM hatrizay, ary amin'ity Jobily
faha folo taona ity no isian'ny fivavahana voalohany aty Neûchatel.
Betsaka ny vokatra...
Nandritra izay folo taona izay dia maro ireo zatovo no nanangana tokantrano. Maro ny
tokantrano no nahazo fahasoavana ka nanolotra ny zanany. Ireto avy ary, ny anaran'ireo
zaza izay noraisina ho mambran'ny fiangonana FKMSM ka natao Batisa Rtoakely sy Atoakely
isany: Zala E. JAONA, Alatsara R. JAONA, Ria-T. JAONA, Andy M. ANDRIANTSOA, Christiane H.
RAKOTONARIVO, Eric M. R. RAKOTONARIVO, Mirana RATRIMO, Fidy R. RATRIMO, Rindra
RAKOTOMANANA, Michel A. RAZAFIMAHEFA, Nirina C. RAZANAME, lanja A. ANDRIANARIZAFY,
landoniaina M. RAZAKASOA, Tina K. RANDRIAMIHARISOA, Maeva ANDRIANTSOA, Julien ANDRIANTSOA,
Sitraka RAMANIRAKA, ROBEL GUERRERO Julien Rija, ROBEL GUERRERO Michael Herizo ary Thomas
ANDRIAMIHARISOA. Marihina fa izay Batisa natao tamin'ny fiaraha-mivavaka ihany ireo,
satria maro ireo zaza izay notronin'ny mpiaramivavaka fa natao batisa tamin'ny
fiangonana hafa.
Ny tanora
koa dia misy ireo izay nanolo-tena, nilatsaka ho mpandray ny fanasan'ny Tompo. Ka rehefa nahavita fiomanana, ny roa voalohany
noraisina ho mpandray ny fanasan'ny Tompo dia Rtoa Rakotonarivo Olga sy Rtoa Donnée Rabe.
Nanaraka tamin'ny 8 janoary 1989, ireto tanora fito mianadahy ireto Rtoa sy Atoa
isany: Wilson ANDRIANARIZAFY, Toky RABEMANANTSOA, Sylviane RAKOTONDRAJAO, Hanta RALISON,
Lanto RANAIVOSON, Hanitra RASOLONJATOVO, Voahirana RAVEROARIVONY, Ny andiany fahatelo dia
noraisina ny 16 avrily 1995, dia Rtoa sy Atoa isany: Solotiana RAJAONASY, Ketaka RASON,
Onisoa RAFIDIHARINIRINA, Nirina sy Elisa RAMANIRAKA, Sahondra RAMAKAHERISOA ary Richard
RAJAONARISON. Ary ankehitriny dia efa vonona sahady ny hampanao ny fampiofanana, saingy ny
mpiomana no mbola tsy ampy isa.
Ny mpiasa ...
Ny fandraisan'ny be sy ny maro anjara no mahatanteraka tokoa izay fotoana rehetra iarahana
mivavaka. Teo ireo izay nitarika, ny namaky teny, ny nivavaka ary koa ny nitondra ny
tenin'Andriamanitra. Marobe izy ireo ka tsy ho ary voatanisa eto avokoa. Na dia fiangonana
vao tanora ary tsy manana Mpitandrina raikitra aza ny FKMSM dia tsy nahasakana ireo
fivoriana izany. Na dia protestanta aza ny ankamaroany dia miezaka ny fiangonana amin'ny
fanasana pretra amin'ny fotoan-dehibe toy ny Noely.
Ary na dia samy
nanana andraikitra sy fandaharam-potoana feno aza izy ireo dia niezaka arak'izay ho afany
ny hanome fahafaham-po, sy hanefa adidy ka nitondra ny anjara-birikiny amin'ity
fiangonan'Andriamanitra ity. Izy
ireo dia i Past. ANDRIAMANANJO, Past. Théodore ANDRIAMANANTENA, Atoa Ernile JAONA, Père
BAUMGARTNER, Past. Jean FENOMANANA, Past. Marcel HENRIET, Past. MARINASY, Past. Noël
RABEMANANTSOA, Past. Yvette RABEMILA, Past. Benjamin RABENOROLAHY, Rtoa Past. Lilia
RAFALIMANANA, Past. Victor RAKOTOARIMANANA, Past. RAKOTOARIVONY, Past. Andrianjatovo
RAKOTOHARINTSIFA, Atoa RAMAHERISON Jonhs, Past. Samuel RAMAROSON, Past. RANDRIAMANGASOA
Nahary, Past. Helivao R. RANDRIANASOLO, Past. Péri RASOLONDRAIBE, Past. Honoré RATOLOJANAHARY, Atoa RATSIRAHONANA
Norbert, Rtoa Past. RAZAFIARIMALALA Bebinirina, Pasteur RAZAFIMAHEFA, Past. Justin
RAZANAMAHEFA, Past. RAZAFIDRATSIMBA, Past. Adrienne ROBIVELO, Past. Djacoba
T., Past. TOTOAVY. Ny mpitan-tsoratra dia miala-tsiny raha misy anarana
adino. Hianareo mahalala ny fankatelemana sy fankasitrahanay tamin'izay fandraisanareo
anjara, ary ny Tompontsika Jesoa Kristy anie homba anareo mandrakariva arnin'ny
fanantontosanareo ny adidy efa napetrany taminareo.
Ny komity
Mankalaza ny faha folo taonany izao ity fiangonana ity satria notazomin'Andriamanitra
tamin'ny tàna-maheriny. Ny FKMSM dia manana ny komity ary ny fandaminana ny raharaham-piangonana
sy ny fikarakarana ny halavorary izany no andraikiny (mitady trano, mamandrika ny mpandray
anjara, manomana ny fotoam-pivavahana, sns). Indreto ireo izay efa nametraka ny anjara-birikiny
tamin'izany andraikitra izany Rtoa sy Atoa isany: Manitra ANDRIAHARIFARA. Christian
ANDRIAMASY mivady, Zafindriaka ARINTSOA, A. EGGIMAN mivady, Emile JAONA mivady, Donnée
RABE, Noël RABEMANANTSOA mivady, Nadimalala RABETSIMIALONA mivady, Olivier RAFAHELIMANANA
mivady, Aimée RAHARISON mivady, Lila RAHALISON, Norosoa RAHARIMALALA, Voahirana
RAHARINIRINA, Guy RAKOTJARIJAONA mivady, Andrianjatovo RAKOTOHARINTSIFA mivady, Lalao
RAKOTOMANANA mivady, Mamy RAKOTONARIVO mivady, Herijao RANDRETSANILO mivady, Alex
RANDRIAMIHARISOA mivady, Jean-René RANDRIASAMIMANANA mivady, Rtoa Hanitriniaina
RASOLONJATOVO, Daniel RAVALITERA mivady, Gladys RAVELOSON mivady, Abdon RAZAFIMAHEFA
mivady, Augustin RAZAFINDRAIBE mivady, Justin RAZANAMAHEFA mivady, Hery RAZAKASOA mivady,
Blaise ROBEL mivady, Adrienne ROBIVELO, Lantoniaina ROBIVELO, Léon SOLONIAINA, Liva
T.
Miezaka hatrany ihany koa ny FKMSM mandray anjara amin'ny asa fanampiana any Madagasikara.
Noho ny fandraisanareo rehetra anjara dia ireto avy ny ezaka vita hatramin'izao:
Ny niantohana saram-pianarana ho an'ny mpianatra ho mpitandrina iray nandritra ny fotoam-pianarany tao Fianarantsoa, ny namatsiana ara-bary ny toby fitsaboana boka tao Moramanga (nandritry ny 9 volana), ny fividianana bodofotsy ho an'ireo tra-boina tao Moramanga tamin'ny fandalovan'ny rivomahery Geralda, ny nandefasana fanampiana saram-panafody hoan'ireo kolejy teolojika protestanta telo (Fianarantsoa, Ivato, Mandritsara), ny nividianana sy nizarana sakafo tany atsimo raha sendra hai-tany, ny nanarenana ny rindrina sy tafon'ny sekoly FJKM eny Mahitsy izay ravan'ny tafio-drivotra mahery, ny fandraisana anjara tamin'ny fanorenana tobim-pifohazana tany Antsiranana, ny fanorenana trano iray any amin'ny toby Asa Lazara any Ambatolampy ("réinsertion sociale en milieu rural des sans abris 4MI de Tananarive"). Ary satria tsy mihevitra ny hiala amin'izany tarigetra izany ny FKMSM, dia nanapakevitra fa izay vokatra rehetra azo amin'ity Jobily ity dia hatokana manontolo hanohanana asa soa ho "tsangam-bato" faha folo taona.
Ny F.K.M.S.M. sy ireo Fiangonana Kristiana Malagasy
Novambra 1996
Araky ny efa voalazan'ny namana iray tamin'ny tantara momba ny FKMSM, ity fiangonana ity
dia naorina avy amin'ny hetahetan'ny mpiray tanindrazana hiara-midera an'Andriamanitra
amin'ny teny Malagasy araky ny nahazatra hatrizay, ary fomba iray hanamafisana ihany koa
ny fifandraisana eo amin'ny tsirairay. Aiza ho aiza anefa ny toeran'io Fiangonana io eo
anivon'ireo Fiangonana Kristiana Malagasy any an-tanindrazana sy ny Sampanizy ireo,
ety ampitan-dranomasina ? Ny hanazava fohy momba izany indrindra no anton'ity lahateny
ity.
Ny Lalàna fototra
Fiangonana ekiomenika ny FKMSM, izany hoe fiangonana tsy mialon-jafy, mandray sy manasa ny
Malagasy rehetra, na ny hafa firenena izay te-hanatrika na dia amin'ny teny Malagasy aza
ny fotoampivavahana, na inona na inona antokom-pinoana misy azy. Tsy mora akory ny
fanatanterahana izany fiombonan'ny mpino rehetra izany noho ireo fomba sy foto-pinoana
samihafa efa nananan'ny tsirairay talohan'ny nahatongavany taty ampitan-dranomasina.
Ilàna faharetana sy fifandeferana izany, ary tsy zavatra mandeha ho azy. Isaorana
Andriamanitra fa afaka niaina izany firaisan'ny mpino izany ny Kristianina Malagasy eto
Soisa sy ny Manodidina, ary mbola angatahina Aminy ny haharetanizany hatrany
hatrany. Ny fomba mahomby hitazonana izany firaisana izany, izay efa narahina hatrizay ary
tsy mbola hita ny maharatsy azy, dia ny tsy fametrahana fomba fitarihana fitaom-pivavahana
raikitra izay mipetraka ho Ialàna. Avela malalaka izay manolo-tena hitarika hanao izany
arak'izay mahazatra azy. Ny firaisam-pinoana tokoa mantsy dia manomboka amin'ny
fahafantarana ny fomban'ny hafa sy ny fanajana izany, nefa tsy voatery hanary ny an'ny
tena. Noho izany dia tsy manana ritoaly na litorijia manokana voasoratra mialoha, natao ho
arahin'ny rehetra ny FKMSM hatraminizao. Na izany aza, raisina am-pitiavana ny
soso-kevitra sy ny fampianarana momba izany omen'ireo Mpitandrina izay mandalo, izay
ilaina tokoa ho torolalana, noho ny tsy fananan'ny Fiangonana Mpitandrina raikitra. Avy
amin'izay indrindra no nisian'ny soso-kevitra hamoaka an-tsoratra litorjia vitsivitsy (4
na 5), alaina avy aniin'ny Litorjian'ireo Fiangonana efa misy, mba ho torolàlana sy
fanampiana ireo izay hitarika. Misy ihany koa ny soso-kevitra hamoaka an-tsoratra ireo
hira iraisana fanaon'ny FKMSM hatrizay sy ny perikopa.
Ny fifandraisana aminireo
Fiangonana Foibe
Ny FKMSM dia tsy miankina amin'ireo Fiangonana misy any Madagasikara, toy ny Fiangonana
Advantista, ny EKAR, ny FJKM, ny FLM, sy ny hafa tsy voatanisa. Tsy Sampan'ny iray
amin'izy ireo izy, ary tsy misy fifandraisana ofisialy amin'izy ireo, na dia fantatry ny
mpiandraikitra foibe tsirairay aza ny fisiany. Torakizany koa ny fifandraisana aminireo
Fiangonana Malagasy ety ampitan-dranomasina, tahaky ny Fiangonana Advantista ao Frantsa,
ny FLM ao Frantsa, na ny FPMA.
Na dia izany aza
dia mamaly ny antso avo ataonny Fiangonana any Madagasikara ny FKMSM raha sendra misy
loza (rivo-doza ohatra) ka mandefa fanampiana ho anny mpiray tanindrazana; ary
mifandray tsara aminireo Fiangonana ao Frantsa izay nandefasana fanasana aminizao
fankalazana ny faha-10 taona izao, ary tsy nisalasala koa hatrizay nanasa ny FKMSM rehefa
misy fotoan-dehibe nataony. Izany akory tsy midika fa karazana secte ny FKMSM.
Satria tsy misy zava-baovao ny Litorjia sy ny foto-pinoana iainana ao fa dia ny aniray
aminireo Fiangonana misy any Madagasikara ihany, ary indraindray ny fitambarabizy
ireo. Fiangonana avy aminny dika tsotra hoe toerana iangonana izy, ary ny
fifandraisana sy fihavanana ao aminAndriamanitra no zava-dehibe noho ny fiankinana
aminny antokom-pinoana iray, arakilay voasoratra hoe : Fa na aiza na
aiza no iangonanny roa na telo aminny Anarako, dia eo afovoany Aho.
(Matio 18:20). Ny tanjona dia ny hampiray ny mpino rehetra mandalo sy mipetraka eto Soisa
sy ny manodidina ao anaty Fiangonana iray tsy manavaka, tsy ho voasakanny fomba sy
foto-pinoana samihafa. Satria nohariana mba ho
iray isika mpino.
Andriamanitra anie hitahy ny dianny FKMSM aminizao lalam-piraisana sy
fanangonana izorany izao.